وش هي أليكسا؟ وهل أقدر أستخدمها في بيتي؟
- فريق مستشعر الابداعي
- 3 يونيو
- 2 دقيقة قراءة
كثير نسمع عن “أليكسا” أو نشوف الناس يكلمون مساعد صوتي يشغّل لهم الإنارة، يضبط المكيف، يجاوب على الأسئلة، ويشغّل الموسيقى. لكن فعليًا، كثير ناس ما يعرفون:
وش هي أليكسا بالضبط؟
هل لازم يكون عندي بيت ذكي عشان أستفيد منها؟
وهل تدعم اللغة العربية واللهجات السعودية؟
في هذا المقال، نجاوبك على كل الأسئلة هذه ببساطة.
أول شي: وش هي أليكسا؟
أليكسا (Alexa) هي مساعد ذكي من شركة أمازون، ترد على أوامرك الصوتية وتنفذ مهام كثيرة، مثل:
تشغيل الموسيقى أو الراديو
قراءة الأخبار أو حالة الطقس
تذكيرك بالمواعيد
الرد على أسئلة عامة
التحكم بأجهزة بيتك الذكي (إذا كانت موجودة)
تشتغل أليكسا من خلال أجهزة اسمها "Echo" أو تطبيق "Amazon Alexa" على الجوال.
طيب لازم يكون عندك بيت ذكي؟
الجواب: لا.
تقدر تستخدم أليكسا بدون أي جهاز ذكي في البيت. تشتغل زي أي مساعد شخصي، ترد عليك وتساعدك بالصوت.لكن لو عندك بيت ذكي، تصير التجربة أقوى بكثير:
تقدر تقول: "أليكسا، طفي المكيف" أو "شغل إنارة الصالة".
تبرمج سيناريوهات مثل "روتيني الصباحي" أو "وقت النوم".
تتحكم بكل شي بصوتك بدون ما تلمس شي.
يعني وجود بيت ذكي مو شرط، لكنه يفتح لك عالم أكبر مع أليكسا.
يا ترى أليكسا تشتغل بالسعودية؟
نعم، أليكسا تشتغل رسميًا في السعودية، ومتوفرة للشراء من أمازون السعودية، حتى خدمات مثل الأخبار والطقس والمواعيد صارت مخصصة للمستخدم السعودي.
نجي للمهم ! أليكسا تدعم اللغة العربية؟
نعم، أليكسا تدعم اللغة العربية بشكل رسمي، وتفهم اللهجة السعودية وبعض اللهجات الخليجية.تقدر تقول لها: "شغّلي الإنارة" أو "كم درجة الحرارة في جدة؟" وترد عليك بكل سلاسة.
أكيد تبادر لذهنك وش تحتاج عشان تبدأ؟
إذا تبغى تتحكم ببيتك عن طريق صوتك فعلاً، تحتاج:
جهاز Echo (مثل Echo Dot أو Echo Show) أو تطبيق أليكسا على جوالك.
اتصال واي فاي ثابت.
وإذا عندك أجهزة ذكية، مثل لمبات أو مفاتيح أو مكيفات ذكية، تقدر تربطها معها.
أو تكلم مستشعر وتريح مخك!
معلومة:
أليكسا ما صارت مجرد جهاز يتكلم… صارت جزء من الراحة اليومية والتنظيم الذكي في البيت.ولو كنت تفكر تبدأ مشوار الأتمتة، فوجود أليكسا خطوة ممتازة تخليك تتحكم بكل شي بصوتك، بالعربي، وبدون تعقيد.
هل ودك تجرب أليكسا في بيتك؟
في مستشعر، نركب لك الأجهزة، نربطها، ونبرمجها حسب احتياجك.
تواصل معنا الآن وخذ استشارة مجانية، وخلّنا نوريك كيف تصير الحياة أذكى.
تعليقات